LES VRAYES CENTVRIES ET PRO-
pheties de Maistre Michel Nostradamus.
CENTVRIE NEVFIESME.
IX. 1.
DAns la maison du traducteur de Bourc
Seront les lettres trouuées sur la table,
Borgne, roux blanc, chenu tiendra de cours,
Qui changera au nouueau Connestable.
IX. 2.
Du hault du mont Auentin voix ouye,
Vuidez, vuidez de tous les deux costez,
Du sang des rouges sera l'ire assomie,
D'Arimin Prato, Columna debotez.
IX. 3.
La magna vaqua à Rauenne grand trouble,
Conduicts par quinze enserrez à Fornase :
A Rome naistra deux monstres à teste double,
Sang, feu, deluge, les plus grands à l'espase.
IX. 4.
L'an ensuyuant descouuerts par deluge,
Deux chefs esleuz, le premier ne tiendra
De fuyr ombre à l'vn d'eux le refuge,
Saccagée case qui premier maintiendra.
IX. 5.
Tiers doibt du pied au premier semblera
A vn nouueau Monarque de bas haut
Qui Pyse & Luques Tyran occupera
Du precedent corriger le deffault.
IX. 6.
Par la Guyenne infinité d'Anglois
Occuperont par nom d'Anglaquitaine
Du Languedoc I palme Bourdelois.
Qu'ils nommeront apres Barboxitaine.
IX. 7.
Qui ouurira le monument trouué,
Et ne viendra le serrer proprement,
Mal luy viendra, & ne pourra prouué
Si mieux doit estre Roy Breton ou Normand.
IX. 8.
Puisnay Roy fait son pere mettre à mort,
Apres conflict de mort tres-inhonneste :
Escrit trouué soubson donra remort,
Quand loup chassé pose sur la couchette.
I ij
IX. 9.
Quand lampe ardente de feu inextinguible
Sera trouuée au temple des Vestales,
Enfant trouué, feu, eau passant par crible :
Nismes eau perir. Tholose cheoir les hales.
IX. 9.*
Quand lampe ardante de feu inextinguible
Sera trouuée au temple des Veƒtales,
Enfant trouué. feu. eau paƒƒant par crible,
Niƒme eau perir. Tholoƒe choir les hales.
IX. 9.**
Quand lampe ardente de feu inextinguible
Sera trouue au temple des Veƒtales :
Enfant trouué feu, eau paƒƒant par crible :
Perir eau, Nysmes, Tholoƒe cheoir les alles.
IX. 10.
Moyne moynesse d'enfant mort exposé,
Mourir par ourse & rauy par verrier.
Par Fois & Pamyes le camp sera posé
Contre Tholose Carcas dresser forrier.
IX. 11.
Le iuste à tort à mort l'on viendra mettre
Publiquement, & du milieu estaint :
Si grande peste en ce lieu viendra naistre,
Que les iugeans fouyr seront contraints.
IX. 12.
Le tant d'argent de Diane & Mercure
Les simulachres au lac seront trouuez :
Le figulier cherchant argille neufue
Luy & les siens d'or seront abbreuuez.
IX. 13.
Les Exilez autour de la Solongne
Conduicts de nuict pour marcher en l'Auxois,
Deux de Modene truculent de Bologne.
Mis. descouuerts par feu de Burançois.
IX. 13.*
Les Exilez autour de la Solongne
Conduits de nui¢t pour marcher en Lauxois.
Deux de Modene, truculant de Bologne
Mis. decouuers par feu de Burançois.
IX. 13.**
Les exilez autour de la Solongne
Conduits de nui¢t pour marcher à Lauxois,
Deux de Modenne truculent de Bolongne,
Mis deƒcouuerts par feu de Burançois.
IX. 14.
Mis en planure chauderon d'infecteurs,
Vin, miel & huyle, & bastis sur fourneaux
Seront plongez, sans mal dit mal facteurs
Sept. fum. extaint au canon des borneaux.
IX. 15.
Prés de Parpan les rouges detenus,
Ceux du milieu parfondrez menez loing :
Trois mis en pieces, & cinq mal soustenus,
Pour le Seigneur & Prelat de Bourboing.
IX. 16.
De castel Franco sortira l'assemblée,
L'ambassadeur non plaisant fera scisme :
Ceux de Ribiere seront en la meslée,
Et au grand goulphre desnier ont l'entrée.
IX. 17.
Le tiers premier pis que ne fit Neron,
Vuidez vaillant que sang humain respandre
R'édifier fera le forneron,
Siècle d'or, mort, nouueau Roy grand esclandre.
IX. 18.
Le lys Dauffois portera dans Nansi,
Iusques en Flandres Electeur de l'Empire,
Neufue obturée au grand Montmorency,
Hors lieux prouez deliure à clere peyne.
IX. 19.
Dans le milieu de la forest Mayenne,
Sol au Lyon la foudre tombera,
Le grand bastard yssu du grand du Maine,
Ce iour Fougeres pointe en sang entrera.
IX. 20.
De nuict viendra par la forest de Reines,
Deux pars voltorte Herne la pierre blanche,
Le moine noir en gris dedans Varennes
Esleu cap. cause tempeste, feu, sang tranche.
I iiij
IX. 21.
Au temple haut de Bloys sacre Salonne,
Nuict pont de Loyre, Prelat, Roy pernicant :
Cuiseur victoire aux marests de la Lone,
D'où prelature de blancs abormeant.
IX. 22.
Roy & sa court au lieu de langue halbe,
Dedans le temple vis à vis du palais
Dans le iardin Duc de Mantor & d'Albe,
Albe & Mantor poignard langue & palais.
IX. 23.
Puisnay ioüant au fresch dessous la tonne,
Le haut du toict du milieu sur la teste :
Le pere Roy au temple sainct Solonne,
Sacrifiant sacrera fum de feste.
IX. 24.
Sur le palais au rocher des fenestres
Seront rauis les deux petits royaux,
Passer aurelle Luthece Denis cloistres,
Nonnain, mallods aualler verts noyaux.
IX. 25.
Passant les Ponts venir prés des rosiers,
Tard arriué plustost qu'il cuydera,
Viendront les noues Espagnols à Besiers,
Qui icelle chasse emprinse cassera.
IX. 26.
Nice sortie sur nom des lettres aspres,
La grande cappe fera present non sien :
Proche de vultry aux murs de vertes capres
Apres plombim le vent à bon essien.
IX. 27.
De bois la garde, vent clos rond pont sera,
Haut le receu frappera le Dauphin,
Le vieux teccon bois vnis passera,
Passant plus outre du Duc le droict confin.
IX. 28.
Voille Symacle pour Massiliolique,
Dans Venise port marcher aux Pannons :
Partir du goulfre & Synus Illyrique,
Vast à Socille, Ligurs coups de canons.
IX. 29.
Lors que celuy qu'à nul ne donne lieu,
Abandonner voudra lieu prins non prins :
Feu nef par saignes, bitument à Charlieu,
Seront Quintin Balez reprins.
IX. 30.
Au port de Pvola & de sainct Nicolas,
Peril Normande au goulfre Phanatique
Cap. de Bisance rues crier helas,
Secors de Gaddes & du grand Philippique.
IX. 31.
Le tremblement de terre à Mortara,
Cassich sainct Georges à demy perfondrez,
Paix assoupie, la guerre esueillera,
Dans temple à Pasques abysmes enfondrez.
IX. 32.
De fin porphire profond collon trouuée
Dessous la laze escripts capitolin :
Os poil retors Romain force prouuée,
Classe agiter au port de Methelin.
I iij
IX. 33.
Hercules Roy de Rome & d'Annemarc,
De Gaule trois Guion surnommé,
Trembler l'Itale & l'vnde de sainct Marc,
Premier sur tous Monarque renommé.
IX. 34.
La part sous mary sera mitré,
Retour conflict passera sur la thuille :
Par cinq cens vn trahyr sera tiltré,
Narbon & Saulce par contaux auons d'huille.
IX. 35.
Et Ferdinand blonde sera descorte,
Quitter la fleur, suyure le Macedon,
Au grand besoing defaillira sa routte,
Et marchera contre le Myrmiden.
IX. 36.
Vn grand Roy prins entre les mains d'vn ieune
Non loin de Pasques, confusion, coup cultre,
Perpet. cattif temps! que foudre en la hune
Trois freres lors se blesseront, & murtre.
IX. 37.
Pont & molins en Decembre versez
En si hault lieu montera la Garonne :
Murs, edifice, Tholose renuersez,
Qu'on ne sçaura son lieu autant matronne.
IX. 38.
L'entrée de Blaye par Rochelle & l'Anglois,
Passera outre le grand Aemathien,
Non loing d'Agen attendra le Gaulois,
Secours Narbonne deceu par entretien.
IX. 39.
En Arbissel à Veront & Carcari,
De nuict conduicts par Sauone attraper,
Le vif Gascon Turby, & la Scerry,
Derrier mur vieux & neuf palais gripper.
IX. 40.
Prés de Quintin dans la forest bourlis,
Dans l'Abbaye seront Flamans ranchés :
Les deux puisnais de coups my estourdis,
Suitte oppressée & garde tous achés.
IX. 41.
Le grand Chyren soy saisir d'Auignom,
De Rome lettres en miel plein d'amertume
Lettre ambassade partir de Chanignon,
Carpentras prins par duc noir rouge plume.
IX. 42.
De Barcelonne, de Gennes & Venise,
De la Secille peste Monet vnis,
Contre Barbare classe prendront la vise,
Barbar poulsé bien loing iusqu'à Thunis.
IX. 43.
Proche à descendre l'armée Crucigere,
Sera guettée par les Ismaëlites,
De tous costez batus par nef Rauier,
Prompt assaillis de dix galeres eslites.
IX. 44.
Migrés, migrés de Genefue trestous,
Saturne d'or en fer se changera,
Le contre Raypoz exterminera tous,
Auant l'aruent le Ciel signes fera.
IX. 45.
Ne sera soul iamais de demander,
Grand Mendosvs obtiendra son empire
Loing de la court fera contremander,
Piedmont, Picart, Paris Tyrhen le pire.
IX. 45.*
Ne ƒera ƒoul iamais de demander.
Grand MENDOSVS obtiendra ƒon empire.
Loin de la Cour fera contremander
Piedmont, Picar. Paris, Tyrren le pire.
IX. 45.**
Ne ƒera ƒaoul iamais de demander,
Grand Mendoƒus obtiendra ƒon empire :
Loin de la Gour fera contrc-mander,
Pymont, Picart, Paris, Tyrten le pire.
IX. 46.
Vuydez, fuyez de Tholose les rouges
Du sacrifice faire expiation,
Le chef du mal dessous l'ombre des courges
Mort estrangler carne omination.
IX. 47.
Les soulz signez d'indigne deliurance,
Et de la multe auront contre aduis,
Change monarque mis en perille pence,
Serrez en cage se verront vis à vis.
IX. 48.
La grand' cite d'Occean maritime,
Enuironnée de marets en cristal :
Dans le solstice hyemal & la prime,
Sera tentée de vent espouuental.
IX. 49.
Grand & Bruceles marcheront contre Anuers
Senat de Londres mettront à mort leur Roy
Le sel & vin luy seront à l'enuers,
Pour eux auoir le regne en desarroy.
IX. 50.
Mendosvs tost viendra à son haut regne,
Mettant arriere vn peu le Norlaris.
Le Rouge blesme, le masle à l'interregne.
Le ieune crainte & frayeur Barbaris.
IX. 51.
Contre les rouges sectes se banderont,
Feu, eau, fer, corde par paix se minera,
Au point mourir ceux qui machineront,
Fors vn que monde sur tout ruynera.
IX. 52.
La paix s'approche d'vn costé & la querre
Oncques ne fut la poursuite si grande,
Plaindre homme, femme, sang innocent par
(terre
Et ce sera de France à toute bande.
IX. 52.*
La paix s'approche d'vn coƒté & la querre :
Oncques ne fut la pourƒuite ƒi grande.
Plaindre homme femme, ƒang innocent par terre,
Et ce ƒera de France à toute bande.
IX. 52.**
La paix s'approche d'vn coƒté, & la querre,
Oncques ne fut la pourƒuite ƒi grande :
Plaindre homme, femme, ƒang innocent par terre,
Et ce ƒera de France à toute bande.
IX. 53.
Le Neron ieune dans les trois cheminées
Fera de paiges vifs pour ardoir ietter,
Heureux qui loing sera de tels menées,
Trois de son sang le feront mort guetter.
IX. 54.
Arriuera au port de Corsibonne,
Prés de Rauenne qui pillera la dame,
En mer profonde legat de la Vlisbonne
Sous roc cachez rauiront septante ames.
IX. 56. 55
L'horrible guerre qu'en Occident s'appreste!
L'an ensuiuant viendra la pestilence
Si fort terrible, que ieune, vieil, ne beste,
Sang, feu, Mercu. Mars, Iupiter en France.
IX. 55.*
L'horrible guerre qu'en Occident s'appreƒte!
L'an enƒuiuant viendra la peƒtilence
Si fort terrible, que ieune, vieil, ne beƒte.
Sang, feu, Mercu. Mars, Iupiter en France.
IX. 55.**
L'horrible guerre qu'en l'Occident s'appreƒte,
L'an enƒuiuant viendra la peƒtilence
Si fort horrible qne ieune, vieux ne beƒte,
Sang, feu, Mercure, Mars, Iupiter en France.
IX. 57. 56
Camp pres de Noudam passera Goussan ville,
Et à Maiotes laissera son enseigne,
Conuertira en instant plus de mille,
Cherchant les deux remettre en chaine & legne.
IX. 57.
Au lieu de Drvx vn Roy reposera,
Et cherchera loy changeant d'Anatheme,
Pendant le ciel si tresfort tonnera,
Portée neufue Roy tuera soy-mesme.
IX. 58.
Au costé gauche à l'endroit de Vitri,
Seront guettez les trois rouges de France
Tous assoumez rouge, noir non meurdry,
Par les Bretons remis en asseurance.
IX. 59.
A la Ferté prendra la Vidame,
Nicol tenu rouge qu'auoit produit la vie,
La grand Loyse naistra que fera clame.
Donnant Bourgongne à Bretons par enuie.
IX. 60.
Conflict Barbar en la Cornere noire,
Sang espandu trembler la Dalmatie,
Grand Ismaël mettra son promontoire,
Ranes trembler, secours Lusitanie.
IX. 61.
La pille faite à la coste marine,
Incita noua & parens amenez,
Plusieurs de Malte par le fait de Messine,
Estroit serrez seront mal guerdonnez.
IX. 62.
Au grand de Cheramonagora
Seront croisez par ranc tous attachez,
Le pertinax Oppi, & Mandragora,
Raugon d'Octobre le tiers seront laschez.
IX. 63.
Plainctes & pleurs, cris & grands hurlements
Prés de Narbon à Bayonne & en Foix
O quels horribles calamitez changemens,
Auant que Mars reuolu quelques fois.
IX. 64.
L'Aemathion passer monts Pyrenées,
En Mars Narbon ne fera resistance,
Par mer & terre fera si grand menée,
Cap. n'ayant terre seure pour demeurance.
IX. 65.
Dedans le coing de Luna viendra rendre,
Où sera prins & mis en terre estrange,
Les fruicts immeurs seront à grand esclandre,
Grand vitupere, à l'vn grande loüange.
IX. 66.
Paix, vnion sera & changement,
Estats, Offices, bas hault, & hault bien bas.
Dresser voyage, le fruict premier, torment,
Guerre cesser, ciuils proces, debats.
IX. 66.*
Paix, vnion ƒera & changement
Eƒtats, offices. bas haut, & haut bien bas.
Dreƒƒer voyage. le fruit premier, torment.
Guerre ceƒƒer. ciuils procez, debats.
IX. 66.**
Paix, vnion ƒera & changement,
Eƒtats, offices bas, haut, & haut bien bas
Dreƒƒer voyage, le frui¢t premier torment,
Guerre ceƒƒer, ciuil procez, debats.
IX. 67.
Du hault des monts à l'entour de Dizére
Port à la roche Valent, cent assemblez
De chasteau neuf Pierre late en douzere,
Contre le Crest Romans foy assemblez.
IX. 68.
Du mont Aymar sera noble obscurcie,
Le mal viendra au ioinct de Saone & Rosne,
Dans bois cachez soldats iour de Lucie,
Qui ne fut onc vn si horrible throsne.
IX. 69.
Sur le mont de Bailly & la Bresle
Seront cachez de Grenoble les fiers,
Outre Lyon, Vien, eulx si grand gresle,
Langoult en terre n'en restera vn tiers.
IX. 70.
Harnois trenchans dans les flambeaux cachez
Dedans Lyon le iour du Sacrement,
Ceux de Vienne seront trestous hachez
Par les Cantons Latins. Masconneront.
IX. 70.*
Harnois tranchans dans les flambeaux cachez
Dedans Lyon le iour du Sacrement.
Ceux de Vienne ƒeront treƒtous hachez
Par les Cantons Latins. Maƒcon ne ment.
IX. 70.**
Harnois trenchans dans les flambeaux cachez
Dedans Lyon, le iour du Sacrement,
Cieux de Vienne ƒeront treƒtouz hachez,
Par les cantons Latins Maƒconnement.
IX. 71.
Aux liex sacrez animaux veu à trixe,
Auec celuy qui n'osera le iour,
A Carcassonne pour disgrace propice,
Sera posé pour plus ample seiour.
IX. 72.
Encor seront les saincts temples pollus,
Et expillez par Senat Tholosain,
Saturne deux trois siecles reuollus,
Dans Auril, May, gens de nouueau leuain.
IX. 73.
Dans Fois entrez Roy ceiulee Turban,
Et regnera moins euolu Saturne,
Roy Turban blanc Bizance cœur ban,
Sol, Mars, Mercure prés la hurne.
IX. 74.
Dans la cité de Fert sod homicide,
Fait & fait multe beuf arant ne macter,
Retour encores aux honneurs d'Artemide,
Et à Vulcan corps morts sepulturer.
IX. 75.
De l'Ambraxie & du pays de Thrace,
Peuple par mer mal & secours Gaulois,
Perpetuelle en Prouence la trace,
Auec vestiges de leur coustume & loix.
IX. 76.
Auec le noir Rapax & sanguinaire,
Yssu du peaultre de l'inhumain Neron,
Emmy deux fleuues main gauche militaire,
Sera murtry par Ioyne chaulueron.
IX. 77.
Le regne prins le Roy conutera,
La dame prinse à mort iurez à sort,
La vie à Royne fils on desniera,
Et la pellix au fort de la consort.
IX. 78.
La dame Grecque de beauté laydique,
Heureuse faicte de proces innumerable,
Hors translatée au regne Hispanique,
Captiue prinse mourir mort miserable.
IX. 79.
Le chef de classe, par fraude stratageme,
Fera timides sortir de leurs galleres,
Sortis meurtris chef renieux de cresme,
Puis par l'embusche luy rendront le saleres.
IX. 80.
Le Duc voudra les siens exterminer,
Enuoyera les plus forts lieux estranges,
Par tyrannie Bize & Luc ruyner,
Puis les Barbares sans vin feront vendanges.
IX. 81.
Le Roy rusé entendra ses embusches
De trois quartiers ennemis assaillir,
Vn nombre estrange larmes de coqueluches
Viendra Lemprin du traducteur faillir.
IX. 82.
Par le deluge & pestilence forte
LA cité grande de long temps assiegée,
La sentinelle & garde de main morte,
Subite prinse, mains de nul oultragée.
IX. 83.
Sol vingt de Taurus si fort terre trembler,
Le grand theatre remply ruinera,
L'air, ciel & terre obscurcir & troubler,
Lors l'infidele Dieu & saincts voguera.
IX. 84.
Roy exposé parfaira l'hecatombe,
Apres auoir trouué son origine,
Torrent ouurir de marbre & plomb la tombe
D'vn grand Romain d'enseigne Medusine.
IX. 85.
Passer Guienne, Languedoc & le Rosne,
D'Agen tenans de Marmande & la Roole,
D'ouurir par foy parroy, Phocen tiendra son
(trosne,
Conflict aupres sainct Pol de Manseole.
IX. 86.
Du bourg Lareyne paruiêdrot droit à Chartes
Et feront prés du pont Anthoni pause.
Sept pour la paix cauteleux comme Martres
Feront entrée d'armée à Paris clause.
IX. 87.
Par la forest de Touphon essartée,
Par hermitage sera posé le temple,
De Duc d'Estempes par sa ruse inuentée,
Du mont Lehori prelat donra exemple.
IX. 88.
Calais, Arras secours à Theroanne,
Paix & semblant simulera l'escoute,
Soul de d'Alobrox descendre par Roane
Destornay peuple qui defera la routte.
IX. 89.
Sept ans sera Philip, fortune prespere,
Rabaissera des Barbares l'effort.
Puis son mydi perplex, rebours affaire,
Ieune ogmion abysmera son fort.
IX. 89.*
Sept ans aura PHILIP fortune preƒpere.
Rabaiƒƒera des Barbares l'effort.
Puis ƒon midy perplex, rebours affaire.
Ieune Ogmion abyƒmera ƒon fort.
IX. 89.**
Sept ans ƒera Philipp. fortune preƒpere,
Rabaiƒƒera des Arabes l'effort,
Puis ƒon midy perplex, rebours affaire,
Ieuƒne oignion abiƒmera ƒon fort.
IX. 90.
Vn grand Capitaine de la grand Germanie
Se viendra rendre par simulé secours
A Roy des Roys ayde de Pannonie,
Que sa reuolte fera de sang grand cours.
IX. 91.
L'horrible peste Perynte & Nicopolle,
Le Chersonnez tiendra & Marceloyne,
La Thessalie vastera l'amphipolle,
Mal incogneu, & le refus d'Anthoine.
IX. 92.
Le Roy voudra dans cité neufue entrer
Par ennemis expugner l'on viendra
Captif libere faulx dire & perpetrer,
Roy dehors estre, loin d'ennemis tiendra.
K
IX. 93.
Les ennemis du fort bien esloignez,
Par chariots conduict le bastion,
Par sur les murs de Bourges esgrongnez
Quand Hercules battra l'Haemathion.
IX. 94.
Foibles galeres seront vnis ensemble,
Ennemis faux le plus fort en rempart :
Faible assaillies Vratislaue tremble,
Lubecq & Mysne tiendront barbare part.
IX. 95.
Le nouueau faict conduira l'exercite,
Proche apamé iusqu'aupres du riuage,
Tendant secours de Millanoile eslite,
Duc yeux priue à Milanfer de cage.
IX. 96.
Dans cité entrer exercit desniée,
Duc entrera par persuasion,
Aux foibles portes clam armée amenée,
Mettront feu, mort, de sang effusion.
IX. 97.
De mer copies en trois parts diuisées,
A la seconde les viures failleront,
Desesperez cherchant champs Helisées,
Premiers en breches entrez victoire auront.
IX. 98.
Les affligez par faute d'vn seul taint,
Contremenant à partie opposite,
Aux Lygonnois mandera aue contraint
Seront de rendre le grand chef de Molite.
IX. 99.
Vent Aquilon fera partir le siege,
Par murs ietter cendres, chaulx, & poussiere :
Par pluye apres qui leur fera bien piege,
Dernier secours encontre leur frontiere.
IX. 100.
Naualle pugne nuict sera superée,
Le feu, aux naues à l'Occident ruine :
Rubriche neufue, la grand nef colorée,
Ire à vaincu, & victoire en bruine.