LES VRAYES CENTVRIES ET PRO-
pheties de Maistre Michel Nostradamus.
CENTVRIE HUICTIESME.
VIII. 1.
PAv, nay, loron plus feu qu'à sang sera,
Laude nager, fuir grand aux surrez.
Les agassas entrée refusera,
Pampon, Durance les tiendra enserrez.
VIII. 2.
Condon & Aux & autour de Mirande
Ie voy du ciel feu qui les enuironne.
Sol Mars conioint au Lyon, puis Marmande
Foudre, grand gresle, mur tombe dans Garonne.
VIII. 3.
Au fort chasteau de Vigilanue & Resuiers
Sera serré le puisnay de Nancy :
Dedans Turin seront ards les premiers,
Lors que de dueil Luon sera transy.
VIII. 4.
Dedans Monech le coq sera receu,
Le Cardinal de France apparoistra
Par Logarion Romain sera deceu,
Foiblesse à l'Aigle, & force au Coq naistra.
VIII. 5.
Apparoistra temple luisant orné,
La lampe & cierge à Borne & Bretueil,
Pour la Lucerne le canton destorné,
Quand on verra le grand Coq au cercueil.
VIII. 6.
Clarté fulgure à Lyon apparante
Luysant, print Malte, subit sera estrainte,
Sardon, Mauris traitera deceuante,
Geneue à Londres à Coq trahison fainte.
VIII. 7.
Verceil, Milan donra intelligence,
Dedans Tycin sera faite la paye.
Courir par Seine eau, sang feu par Florence,
Vnique choir d'hault en bas faisant maye.
VIII. 8.
Prés de Linterne dans de tonnes fermez,
Chiuaz fera pour l'Aigle la menée,
L'esleu cassé luy ses gens enfermez,
Dedans Turin rapt espouse emmenée.
VIII. 9.
Pendant que l'Aigle & le Coq à Sauone
Seront vnis, Mer, Leuant & Ongrie.
L'armée à Naples, Palerme, Marque d'Ancone
Rome, Venise par Barbe horrible crie.
VIII. 10.
Puanteur grande sortira de Lausanne,
Qu'on ne sçaura l'origine du fait.
Lon mettra hors tout la gent loingtaine
Feu veu au ciel, peuple estranger deffait.
H
VIII. 11.
Peuple infiny paroistra à Vicence
Sans force feu brusler la basilique
Prés de Lunage deffait grand de Valence,
Lors que Venise par mort prendra pique.
VIII. 12.
Apparoistra aupres de Buffalore
L'hault & procere entré dedans Milan
L'abbé de Foix auec ceux de sainct Morre
Feront la forbe habillez en vilain.
VIII. 13.
Le croisé frere par amour effrenée
Fera par Praytus Bellerophon mourir,
Classe à mil ans la femme forcenée
Beu le breuuage, tous deux apres perir.
VIII. 14.
Le grand credit, d'or d'argent l'abondance
Aueuglera par libide l'honneur :
Cogneu sera d'adultere l'offense,
Qui paruiendra à son grand deshonneur.
VIII. 14.*
Le grand credit, d'or, d'argent l'abondance
Aueuglera par libide l'honneur.
Cogneu ƒera d'adultere l'offenƒe,
Qui paruiendra à ƒon grand deshonneur.
VIII. 14.**
Le grand credit d'or & d'argent l'abondance
Fera aueugler par libide l'honneur.
Sera cogneu sera d'adultere l'offense
Qui paruiendra à ƒon grand deshonneur.
VIII. 15.
Vers Aquilon grands efforts par hommasse
Presque l'Europe & l'vniuers vexer,
Les deux eclypses mettra en telle chasse,
Et aux Pannons vie & mort renforcer.
VIII. 16.
Au lieu que Hieron feit sa nef fabriquer
Si grand deluge sera & si subite,
Qu'on n'aura lieu ne terres s'ataquer,
L'onde monter Fesulant Olympique.
VIII. 17.
Les bien aisez subit seront desmis,
Le monde mis par les trois freres en trouble.
Cité marine saisiront ennemis,
Faim, feu, sang, peste, & de tous maux le double
VIII. 17.*
Les bien aiƒez ƒubit ƒeront demis.
Le monde mis par les trois freré en trouble.
Cité marine ƒaiƒiront ennemis.
Faim, feu, ƒang, peƒte, & de tous maux le double.
VIII. 17.**
Les bien-aiƒez ƒubit ƒeront deƒmis,
Par les trois freres le monde mis en trouble.
Cité marine ƒaiƒiront ennemis,
Faim, feu, ƒang, peƒte, & de tous maux le double.
VIII. 18.
De Flore issuë de sa mort sera cause,
Vn temps deuant par ieusne & vieille bueyre
Car les trois lys luy feront telle pause,
Par son fruit sauue comme chair cruë mueyre.
VIII. 18.*
De FLORE iƒƒue de ƒa mort ƒera cauƒe :
Vn temps deuant par ieune & vieille bueyre.
Car les trois Lis luy feront telle pauƒe,
Par ƒon fruit ƒauue, *
VIII. 18.**
De Flore iƒƒuë de ƒa mort ƒera cauƒe,
Un temps deuant par ieune & vieille bueyre.
Car les trois lys luy feront telle poƒe,
Par ƒon fruit ƒauue comme chair cruë mueyre.
VIII. 19.
A soustenir la grand cappe troublée,
Pour l'esclaircir les rouges marcheront,
De mort famille sera presque accablée,
Les rouges rouges le rouge assommeront.
VIII. 20.
Le faux message par election fainte
Courir par vrben rompuë pache arreste,
Voix aceptées, de sang chapelle tainte,
Et à vn autre l'empire contraincte.
VIII. 21.
Au port de Agde trois fustes entreront
Portant l'infect non foy & pestilence
Passant le pont mil milles embleront,
Et le pont rompre à tierce resistance.
VIII. 22.
Gorsan, Narbonne, par le sel aduertir
Tucham, la grace Parpignan trahie,
La vie rouge n'y voudra consentir,
Par haulte voldrap gris vie faillie.
H ij
VIII. 23.
Lettres trouuées de la Royne les coffres,
Point de subscrit sans aucun nom d'autheur,
Par la police seront cachez les offres,
Qu'on ne sçaura qui sera l'amateur.
VIII. 24.
Lieutenant à l'entrée de l'huys
Assommera le grand de Parpignan,
En se cuidant sauuer à Montpertuis.
Sera deceu bastard de Lusignan.
VIII. 25.
Cœur de l'amant ouuert d'amour fertiue
Dans le ruisseau fera rauir la Dame,
Le demy mal contrefera lassiue,
Le pere à deux priuera corps de l'ame.
VIII. 26.
De Caton es trouuez en Barselonne,
Mys descouuers lieu terrouers & ruyne,
Le grand qui tient ne tient voudra Pamplonne.
Par l'abbage de Montferrat bruyne.
VIII. 27.
La voye auxelle l'vn sur l'autre fornix.
Du muy de ser hor mis braue & genest,
L'escript d'empereur le fenix
Veu en celuy ce gu'à nul autre n'est.
VIII. 28.
Les simulachres d'or et d'argent enflez,
Qu'apres le rapt lac au feu furent iettez
Au descouuert estaincts tous & troublez.
Au marbre escripts, perscripts interiettez.
VIII. 29.
Au quart pillier l'on sacre à Saturne.
Par tremblant terre & deluge fendu
Sous l'edifice Saturin trouuée vrne,
D'or Capion rauy & puis rendu.
VIII. 30.
Dedans Tholose non loing de Beluzer
Faisant vn puis loing, palais d'espectacle
Thresor trouué vn chacun ira vexer,
Et en deux locs tout & prés des vesacle.
VIII. 31.
Premier grand fruict le Prince de Pesquiere :
Mais puis viendra bien & cruel malin,
Dedans Venise perdra sa gloire fiere,
Et mis à mal par plus ioyue Celin.
VIII. 32.
Garde toy roy Gaulois de ton nepueu,
Qui fera tant que ton vnique fils
Sera meurtry à Venus faisant vœu,
Accompagné denuict que trois & six.
VIII. 33.
Le grand naistra de Veronne & Vincence,
Qui portera vn surnom bien indigne.
Qui à Venise vouldra faire vengeance.
Luy mesme prins homme du guet & signe.
VIII. 34.
Apres victoire du Lyon au Lyon,
Sus la montagne de Ivra Secatombe,
Delues & brodes septiesme million,
Lyon, Vlme à Mausol mort & tombe.
H iij
VIII. 35.
Dedans l'entrée de Garonne & Bayse,
Et la forest non loing de Damazan
Du marsaues gelées, puis gresle & bize
Dordonnois gelle par erreur de Mezan.
VIII. 36.
Sera commis conte oindre aduché
De Saulne & sainct Aulbin & Belœuure
Pauer de marbre de tous loing espluché
Non Bleteran resister & chef d'œuure.
VIII. 37.
La forteresse aupres de la Tamise
Cherra par lors, le Roy dedans serré,
Aupres du pont sera veu en chemise
Vn deuant mort, puis dans le fort barré.
VIII. 38.
Le Roy de Bloys dans Auignon regner
Vn autre fois le peuple emonopolle,
Dedans le Rosne par murs fera baigner
Iusques à cinq le dernier prés de Nolle.
VIII. 39.
Qu'aura esté par prince Bizantin,
Sera tollu par prince de Tholose :
La foy de Foix par le chef Tholentin,
Luy faillira ne refusant l'espouse.
VIII. 40.
Le sang du Iuste par Taur & la Dorade.
Pour se venger contre les Saturins
Au nouueau lac plongeront la mainade,
Puis marcheront contre les Albanins.
VIII. 40.*
Le ƒang du iuƒte par Taur & la Dorade,
Pour ƒe vanger contre les Saturnins,
Au nouueau lac plongeront la mainade :
Puis marcheront contre les Albanins.
VIII. 40.**
Le ƒang du iuƒte par Taurer la Daurade,
Pour ƒe venger contre les Saturnins
Au nouueau lac plongeront la maynade,
Puis marcheront contre les Albanins.
VIII. 41.
Esleu sera Renad ne sonnant mot,
Faisant le saint public viuant pain d'orge,
Tyrannizer apres tant à vn cop,
Mettant à pied des plus grands sur la gorge,
VIII. 42.
Par auarice, par force & violence
Viendra vexer les siens chefs d'Orleans,
Prés sainct Memire assault & resistance,
Mort dans sa tante diront qu'il dort leans.
VIII. 43.
Par le decide de deux choses bastars,
Nepueu du sang occupera le regne,
Dedans lectoyre seront les coups de dards
Nepueu par pleira l'enseigne.
VIII. 44.
Le procreé naturel dogmion,
De sept à neuf du chemin destorner
A roy de longue & amy au my hom,
Doit à Nauarre fort de Pav prosterner.
VIII. 45.
La main escharpe & la iambe bandée,
Longs puis nay de Calais portera,
Au mot du guet la mort sera tardée,
Puis dans le temple à Pasques saignera.
VIII. 46.
Pol mensolée mourra trois lieuës du rosne,
Fuis les deux prochains tarasc destrois :
Car mars fera le plus horrible trosne,
De coq & d'Aigle de France freres trois.
H iiij
VIII. 47.
Lac Trasmenien portera tesmoignage,
Des coniurez sarez dedans Perouse
Vn despolle contrefera le sage,
Tuant Tedesq de sterne & minuse.
VIII. 48.
Saturne en Cancer, Iupiter auec Mars,
Dedans Feurier Caldondon saluaterre.
Sault Castallon assaily de trois pars,
Pres de Verbiesque conflit mortelle guerre.
VIII. 49.
Satur au beuf ioue en l'cau, Mars en fleiche,
Six de Feurier mortalité donra,
Ceux de Tardaigne à Bruge si grand breche,
Qu'à Pontereso chef Barbarin mourra.
VIII. 50.
La pestilence l'entour de Capadille,
Vne autre faim pres de Sagone s'appreste :
Le cheualier bastard de bon senille,
Au grand de Thunes fera trancher la teste.
VIII. 51.
Le Bizantin faisant oblation,
Apres auoir Cordube à soy reprinse :
Son chemin long repos pamplation,
Mer passant proy par la Colongna prinse.
VIII. 52.
Le roy de Bloys Auignom regner,
D'Amboise & seme viendra le long de Lyndre
Ongle à Poytiers sainctes aisles ruyner
Deuant Boni.
VIII. 53.
Dedans Bologne voudra lauer ses fautes,
Il ne pourra au temple du soleil,
Il volera faisant chose si hautes,
En hierarchie n'en fut oncq vn pareil.
VIII. 54.
Soubs la couleur du traicté mariage,
Fait magnanime par grand Chyren selin,
Quintin, Arras recouurez au voyage
D'espagnols fait second banc macelin.
VIII. 55.
Entre deux fleuues se verra enserré,
Tonneaux & caques vnis à passer outre,
Huict ponts rompus chef à tant enferré,
Enfans parfaicts sont igulez en coultre.
VIII. 56.
La bande foible le tertre occupera
Ceux du haut lieu feront horribles cris,
Le gros troupeau d'estre coin troublera,
Tombe pres D. nebro descouuers les escris.
VIII. 57.
De souldat simple paruiendra en empire,
De robe courte paruiendra à la lonque
Vaillant aux armes en eglise ou plus pyre,
Vexer les prestres comme l'eau faict l'esponge.
VIII. 58.
Regne en querelle aux freres diuisé,
Prendre les armes & le nom Britannique
Tiltre d'Anglican sera tard aduisé,
Surprins de nuict mener à l'air Gallique.
VIII. 59.
Par deux fois haut, par deux fois mis à bas
L'orient aussi l'occident foiblira
Son aduersaire apres plusieurs combats,
Par mer chassé au besoing faillira.
VIII. 60.
Premier en Gaule, premier en Romanie,
Par mer & terre aux Anglois & Paris
Merueillex faits par celle grand mesnie
Violant, terax perdra le Norlaris.
VIII. 60.*
Premier en Gaule, premier en Romanie,
Par mer & terre, aux Anglois & Paris.
Merueillex faits par celle grand meƒnie.
Violant, tenax perdra le NORLARIS.
VIII. 60.**
Premier en Gaule, premier en Romanie,
Par mer & terre aux Anglois & Paris,
Merueillex faits par celle grand meƒnie,
Violant Terax perdra le NORLARIS.
VIII. 61.
Iamais par le decouurement du iour
Ne paruiendra au signe sceptrifere
Que tous ses sieges ne soient en seiour,
Portant au coq don du Tag amifere.
VIII. 62.
Lors qu'on verra expiler le sainct temple,
Plus grand du Rhosne & sacres prophaner
Par eux naistra pestilence si ample,
Roy faict iniuste ne fera condamner.
VIII. 62.*
Lors qu'on voirra expiler le ƒaint temple
Plus grand du Rhoƒne & ƒacres profanez,
Par eux naiƒtra peƒtilence ƒi ample.
Roy fait iniuƒte ne fera condamner.
VIII. 62.**
Lors qu'on verra expiler le ƒain¢t, Temple,
Plus grand du Roƒne leur ƒacrez profanez,
Par eux naiƒtra peƒtilence ƒi ample,
Roy fuit iniuƒte ne fera condamner.
VIII. 63.
Quand l'adultere blessé sans coup aura
Meurdry la femme & le fils par despit,
Femme assoumée l'enfant estranglera :
Huict captifs prins, s'estouffer sans respit.
VIII. 64.
Dedans les Isles les enfans transportez,
Les deux de sept seront en desespoir :
Ceux de terroüer en seront supportez,
Nom pelle prins des ligues fuy l'espoir.
VIII. 65.
Le vieux frustré du principal espoir,
Il paruiendra au chef de son empire :
Vingt mois tiendra le regne à grand pouuoir,
Tiran, cruel en delaissant vn pire.
VIII. 66.
Quand l'escriture D. M. trouuée,
Et caue antique à lampe descouuerte,
Loy, Roy & Prince Vlpian esprouuée,
Pauillon Royne & Duc sous la couuerte.
VIII. 67.
Par. car. nersaf, à ruine grand discorde,
Ne l'vn ne l'autre n'aura election,
Nersaf du peuple aura amour & concorde,
Ferrare, Collonne grande protection :
VIII. 68.
Vieux Cardinal par le ieune deceu,
Hors de sa charge se verra desarmé,
Arles ne monstres double soit aperceu,
Et Liqueduct & le Prince embaumé.
VIII. 69.
Aupres du ieune se vieux Ange baisser,
Et le viendra sur monter à la fin :
Dix ans esgaux aux plus vieux rabaisser,
De trois deux l'vn huictiesme Seraphin.
VIII. 70.
Il entrera viain, meschant, infame
Tyrannisant la Mesopotamie
Tous amis faict d'adulterine dame.
Terre horrible noir de phisomie.
VIII. 71.
Croistra le nombre si grand des Astronomes
Chassez, bannis & liures censurez,
L'an mil six cens & sept par sacre glomes,
Que nul aux sacres ne seront asseurez.
VIII. 72.
Champ Perusin ô l'enorme deffaite
Et le conflict tout aupres de Rauenne
Passage sacre lors qu'on fera la feste,
Vainqueur vaincu cheual manger l'auenne.
VIII. 73.
Soldat Barbare le grand Roy frappera,
Iniustement non eslongné de mort,
L'auare mere du faict cause sera
Coniurateur & regne en grand remort.
VIII. 74.
En terre neufue bien auant Roy entré
Pendant subges luy viendront faire acueil,
Sa perfidie aura tel rencontré,
Qu'aux citadins lieu de feste & recueil.
VIII. 75.
Le pere & fils seront meurdris ensemble,
Le prefecteur dedans son pauillon
La mere à Tours du fils ventre aura enfle,
Cache verdure de fueilles papillon.
VIII. 76.
Plus Macelin que Roy en Angleterre,
Lieu obscur nay par force aura l'empire :
Lasche sans foy sans loy seignera terre.
Son temps s'aproche si pres que ie souspire.
VIII. 77.
L'antechrist trois bien tost annichilez,
Vingt & sept ans sang durera sa guerre,
Les heretiques morts, captifs exilez,
Son corps humain eau rougie gresler terre.
VIII. 78.
Vn Bragamas auec la langue torte
Viendra des dieux le sanctuaire,
Aux heretiques il ouurira la porte
En suscitant l'eglise militaire.
VIII. 79.
Qui par fer pere perdra nay de Nonnaire
De Gorgon sur la fera sang perfetant,
En terre estrange fera si tout de taire,
Qui bruslera luy mesme & son entant.
VIII. 80.
Des innocens le sang de vefue & vierge.
Tant de maux faicts par moyen se grand Roge,
Saincts simulachres trempez en ardant cierge,
De frayeur craincte ne verra nul que boge.
VIII. 81.
Le neuf empire en desolation,
Sera changé du pole aquilonaire,
De la Sicile viendra l'emotion,
Troubler l'emprise à Philip. tributaire.
VIII. 82.
Ronge long, sec faisant du bon vallet,
A la parfin n'aura que son congie,
Poignant poyson, & lettres au collet,
Sera saisi eschappé en dangie.
VIII. 83.
Le plus grand voile hors du port de Zara,
Prés de Bisance fera son entreprise.
D'ennemy perte & l'amy ne fera,
Le tiers à deux fera grand pille & prise.
VIII. 84.
Paterne aura de la Sicile crie,
Tous les aprests du goulphre de Trieste,
Qui s'entendra iusques à la Trina rie,
De tant de voiles fuy, fuy l'horrible peste.
VIII. 85.
Entre Bayonne & à sainct Iean de Lux,
Sera pose de Mars la promottoire :
Aux Hanis d'Aquilon Nanar hostera lux,
Puis suffoqué au lict sans adiutoire.
VIII. 86.
Par Arnani Tholoser Ville Franque,
Bande infinie par le mont Adrian,
Passe riuiere, Hutin par pont la planque,
Bayonne entrer tous Bichoro criant.
VIII. 87.
Mort conspirée viendra en plein effect,
Charge donnée & voyage de mort.
Esleu, creé, receu, par siens deffaict,
Sang d'innocence deuant soy par remort.
VIII. 87.*
Mort conƒpirée viendra en plein effe¢t.
Charge donnée & voyage de mort.
Esleu, creé, receu. par ƒiens defait.
Sang d'innocence deuant ƒoy par remord.
VIII. 87.**
Mort conƒpirée viendra en plain effet,
Charge donnée & voyage de mort :
Eƒleu, creé, receu, per ƒiens deffaict,
Sang d'innocent deuant ƒoy par remort.
VIII. 88.
Dans la Sardaigne vn noble Roy viendra,
Qui ne tiendra que trois ans le Royaume,
Plusieurs couleurs auec soy conioindra,
Luy mesme apres soin sommeil marrit scome.
VIII. 89.
Pour ne tomber entre mains de son oncle,
Qui les enfans par regner trucidez,
Orant au peuple mettant pied sur Peloncle
Mort & traisné entre cheuaux bardez.
VIII. 90.
Quand des croisez vn trouué de sens trouble
En lieu du sacre verra vn bœuf cornu
Par vierge porc son lieu lors sera comble,
Par Roy plus ordre ne sera soustenu.
VIII. 91.
Frimy les champs de Rodanes entrées
Où les croisez seront presque vnis,
Les deux brassierez en pisces rencontrées,
Et vn grand nombre par deluge punis.
VIII. 92.
Loin hors du regne mis en hazard voyage
Grand ost duyra, pour soy l'occupera,
Le Roy tiendra les siens captif, ostage,
A son retour tout pays pillera.
VIII. 92.*
LOIN hors du regne, mis en hazard voyage :
Grand oƒt duira, pour ƒoy l'occupera.
Le Roy tiendra les ƒiens captifs hoƒtage.
A ƒon retour tout pays pillera.
VIII. 92.**
Loin hors du regne mis en hazard voyage,
Grand oƒt duira pour ƒoy l'occupera,
Le Roy tiendra les ƒiens captif oƒtage
A ƒon retour tout pays pillera.
VIII. 93.
Sept mois sans plus obtiendra prelature
Par son decez grand scisme fera naistre :
Sept mois tiendra vn autre la preture,
Pres de Venise paix vnion renaistre.
VIII. 94.
Deuant le lac où plus cher fut getté
De sept mois, & son ost desconfit
Seront Hispans par Albannois gastez,
Par delay perte en donnant le conflit.
VIII. 95.
Le seducteur sera mis en la fosse,
Et estaché iusques à quelque temps,
Le clerc vny le chef auec sa crosse
Pycante droite attraira les contens.
VIII. 96.
La Synagogue sterile sans nul fruit
Sera receuë entre les infideles
De Babylon la fille du porsuit
Misere & triste luy trenchera les aisles.
VIII. 97.
Aux fins du Var changer le Pompotans,
Prés du riuage les trois beaux enfans naistre,
Ruyne au peuple par aage competans
Regne au pays charger plus croistre.
VIII. 98.
Des gens d'Eglise sang sera espanché,
Comme de l'eau en si grande abondance
Et d'vn long temps ne sera restranché
Ve vë au clerc ruy & doleance.
VIII. 98.*
Des gens d'Eƒgliƒe ƒang ƒera eƒpanché
Comme de l'eau, en ƒi grande abondance,
Que d'vn long temps ne ƒera reƒtanché.
Vé, vé au Clerc ruine & doleance.
VIII. 98.**
Des gens d'Egliƒe ƒang ƒera eƒpanché,
Comme de l'eau en ƒi grande abondance :
Et d'vn long-temps ne ƒera retranché,
Ve, ve au clerc ruine & doleance.
VIII. 99.
Par la puissance des trois Roys temporels,
En autre lieu sera mis le saint siege :
Où la substance de l'esprit corporel,
Sera remis & receu pour vray siege.
VIII. 100.
Pour l'abondance de l'arme respanduë
Du haut en bas par le bas au plus haut
Trop grande foy par ieu vie perduë,
De soif mourir par habondant deffaut.
A V T R E S Q U A T R A I N S
cy deuant imprimez soubs la Centu-
rie huictiesme.
VIII. 1.
Eront confus plusieurs de leurs attente,
Aux habitans ne sera pardonné,
Qui bien pensoient perseuerer l'attente
Mais grand loisir ne leur sera donné.
VIII. 2.
Plusieurs viendront, & parleront de paix
Entre Monarques & seigneurs bien puissans,
Mais ne sera accordé de si prés,
Que ne se rendent plus qu'autres obeissans,
VIII. 3.
Las quelle fureur! helas quelle pitié,
Il u aura entre beaucoup de gens!
On ne vit onc vne telle amitié,
Qu'auront les loups à courir diligens.
VIII. 4.
Beaucoup de gens voudront parlementer
Aux grands seigneurs qui leur feront la guerre,
On ne voudra en rien les escouter,
Helas! si Dieu n'enuoye paix en terre.
I
VIII. 5.
Plusieurs secours viendront de tous costez,
De gens loingtains qui voudront resister :
Ils seront tout à coup bien hastez,
Mais ne pourront pour ceste heure assister.
VIII. 6.
Las quel desir ont Princes estrangers!
Garde toy bien qu'en ton pays ne vienne
Il y auroit de terribles dangers
En maints contrées, mesme en la Vienne.