LES VRAYES CENTVRIES ET PRO-
pheties de Maistre Michel Nostradamus.
CENTVRIE SIXIESME.
VI. 1.
AV tour des monts Pyrennees grand amas,
De gent estrange, secourir Roy nouueau :
Pres de Garonne du grand temple du Mas,
Vn Romain chef le craindra dedans l'eau.
VI. 2.
En l'an cinq cens octante plus & moins
On attend le siecle bien estrange :
En l'an sept cens & trois (cieux en tesmoins)
Aue plusieurs regnes vn à cinq feront change.
VI. 2.*
En l'an cinq cens o¢tante plus & moins
On attendra le ƒiecle bien eƒtrange.
En l'an ƒept cens & trois (cieux en teƒmoins)
Regnes pluƒieurs, vn à cinq, feront change.
VI. 2.**
En l'an cinq cents o¢tante plus & moins,
On attendra le ƒiecle bien eƒtrange :
En l'an ƒept cens, & trois cieux en teƒmoins
Aue pluƒieurs regnes vn à cinq feront change.
VI. 3.
Fleuue qu'esprouue le nouueau nay Celtique,
Sera en grande de l'Empire discorde :
Le ieune prince par gent Ecclesiastique,
Ostera le sceptre coronal de concorde.
VI. 3.*
Fleuue qu'eƒprouue le nouueau né Celtique,
Sera en grande de l'empire diƒcorde :
Au ieune Prince par gent eccleƒiaƒtique,
Le ƒceptre oƒter coronal de concorde.
VI. 3.**
Fleuue qu'eƒpreuue le nouueau nay Celtique
Sera grande de l'Empire diƒcorde :
Le ieune Prince par gent Eccleƒiaƒtique,
Oƒtera le ƒceptre coronal de concorde.
VI. 4.
Le Celtique fleuue changera de riuage,
Plus ne tiendra la cité d'Aripine :
Tout trasmué ormis le vieil langage,
Saturne, Leo, Mars, Cancer en rapine.
VI. 5.
Si grand famine par vnde pestifere,
Par pluye longue le long du pole arctique :
Samarobryn cent lieux de l'hemispere,
Viuront sans loy, exempt de politique.
VI. 6.
Apparoistra vers Septentrion,
Non loing de Cancer l'Estoille cheueluë :
Suse, Sienne, Boece, Eretrion
Mourra de Rome grand, la nuit disperuë.
VI. 7.
Norneigre & Dace, & l'isle Britanique,
Par les vnis freres seront vexees :
Le chef Romain issu du sang Gallique,
Et les copies aux forests repoulsees.
VI. 8.
Ceux qui estoient en regne pour sçauoir
Au Royal change deuiendront appouuris :
Vns exilez sans appuy, or n'auoir,
Lettres & lettres ne seront à grand pris.
VI. 9.
Aux temples saints seront faits grâds scanda-
(les,
Comptez seront par honneur & loüanges
D'vin que l'on graué d'argent, d'or les medalles,
La fin sera en tourmens bien estranges.
VI. 9.*
Aux teples ƒaints ƒeront faits grands ƒcandales.
Côptez ƒeront pour honneurs & louanges.
D'vn que lon graue d'argent d'or les medales,
La fin ƒera en tourments bien eƒtranges.
VI. 9.**
Aux ƒacrez temples ƒeront fait eƒcandales,
Comptez ƒeront par honneurs, & loüanges,
D'vn qu'on graue d'argent d'or les medailles,
La fin ƒera en tourmens bien eƒtranges.
VI. 10.
Vn peu de temps les temples de couleurs,
De blanc & noir les deux entremeslee :
Rouges & iaunes leur embleront les leurs,
Sang, terre, peste, faim, feu, d'eau affolce.
VI. 11.
Des sept rameaux à trois seront reduits,
Les plus aisnez seront surprins par mort.
Fratricider les deux seront seduits,
Les coniurez en dormant seront morts.
F iiij
VI. 11.*
Des ƒept rameaux à trois ƒeront reduits.
Les plus aiƒnez ƒeront ƒurpris par mort.
Fratricider les deux ƒeront ƒeduits.
Les coniurez en dormant ƒeront morts.
VI. 11.**
Des ƒept rameaux à trois ƒeront reduits,
Les plus aiƒnez ƒeront ƒurpris par mort,
Fratricider les deux ƒeront ƒeduits,
Les coniurez en dormans ƒeront morts.
VI. 12.
Dresser copies pour monter à l'Empire,
Du Vatican le sang Royal tiendra :
Flamans, Anglois, Espaigne auec Aspire,
Contre l'Italie & France contendra.
VI. 13.
Vn dubiteux ne viendra loing du regne,
La plus grand part le voudra soustenir
Vn capitole ne voudra point qu'il regne,
Sa grande charge ne pourra maintenir.
VI. 14.
Loing de sa terre Roy perdra la bataille,
Prompt eschappé poursuiuy suyuant prins,
Ignare prins soubs la dorée maille,
Soubs faint habit & l'ennemy surprins.
VI. 15.
Dessous la tombe sera trouué le prince,
Qu'aura le prix par dessus Nuremberg :
L'Espagnol Roy en Capricorne mince,
Faint & trahy par le grand Vitemberg.
VI. 16.
Ce que rauy sera du ieune Milue,
Par les Normans de France & Picardie :
Les noirs du temple du lieu Negrisiluc,
Feront aulberge & feu de Lombardie.
VI. 17.
Apres les limes bruslez les asiniers,
Contraints seront changer habits diuers :
Les Saturnins bruslez par les musniers,
Hors la pluspart qui ne sera musniers,
VI. 18.
Par les phisiques le grand Roy delaissé,
Par sort non art ne l'Ebrieu est en vie :
Luy & son genre au regne haut poussé,
Grace donne à gent qui Christ enuie.
VI. 19.
La vray flamme engloutira la dame,
Que voudra mettre les innocens à feu,
Pres de l'assaut l'exercite s'enflamme,
Quand dans Seuille monstre en bœuf sera veu.
VI. 20.
L'vnion fainste sera peu de duree
Des vns changes reformez la pluspart :
Dans les vaisseaux sera gent enduree,
Lors aura Rome vn nouueau Liepart.
VI. 21.
Quand ceux de polle artique vnis ensemble,
En Orient grand effrayeur & crainte,
Esleu nouueau soustenu le grand temple,
Rodes, Bisance de sang barbare tainte,
VI. 22.
Dedans la terre du grand temple celique,
Nepueu à Londres par paix faincte meurtry,
La barque alors deuiendra scismatique,
Liberté faincte sera au corn. & cry.
VI. 23.
D'esprit de regne munisememens descriees,
Et seront peuples esmeus contre leur Roy,
Paix, fait nouueau, sainctes loix empirees,
Rapis onc fut en si tresdur arroy.
VI. 23.*
Deƒpit de regne numiƒmes decriez,
Peuples ƒeront eƒmeus contre leur Roy.
Paix. fait nouueau. ƒaintes loix empirées.
RAPIS onq fut en ƒi tres dur arroy.
VI. 23.**
D'eƒprit de regne muniƒmes deƒcriez.
Et ƒeront peuples eƒmeus contre leur Roy,
Paix, fain¢t nouueau ƒain¢tes loix empirées,
Rapis onc fut en ƒi tres-dur arroy.
VI. 24.
Mars & le sceptre se trouuera conioint,
Dessous Cancer calamiteuse guerre :
Vn peu apres sera nouueau Riy oingt,
Qui par long temps pacifiera la terre,
VI. 25.
Par Mars contraire sera la Monarchie,
Du grand pescheur en trouble ruyneux :
Ieune noir rouge prendra la hierarchie,
Les proditeurs iront iour bruyneux.
VI. 26.
Quatre ans le siege quelque peu bien tiendra,
Vn suruiendra libidineux de vie :
Rauenne & Pise, Veronne soustiendront,
Por esleuer la croix du Pape enuie.
VI. 27.
Dedans les isles de cinq fleuues à vn,
Par le croissant du grand Chyren Selin :
Par les bruynes de l'air fureur de l'vn,
Six eschappez, cachez fardeaux de lyn.
VI. 28.
Le grand celtique entrera dedans Rome,
Menant amas d'exilez & bannis :
Le grand pasteur mettra à mort tout homme
Qui pour le coq estoit aux Alpes vnis.
VI. 29.
La vefue saincte entendant les nouuelles,
De ses rameaux mis en perplex & trouble,
Qui sera duict appaiser les querelles,
Par son pourchas des razes fera comble.
VI. 29.*
La vefue ƒainte entendant les nouuelles
De ƒes rameaux mis en perplex & trouble :
Qui ƒera duit appaiƒer les querelles,
Par ƒon pourchas des Razes fera comble.
VI. 29.**
La vefue ƒain¢te entendant les nouuelles,
De ƒes rameaux mis en perplex & trouble :
Qui ƒera dui¢t appaiƒer les querelles,
Par ƒon pourchas de razes fera comble.
VI. 30.
Par l'apparence de saincte saincteté,
Sera trahy aux ennemis le siege,
Nuict qu'on cuidoit dormir en seureté,
Pres de Braban marcheront ceux du Liege.
VI. 31.
Roy trouuera ce qu'il desiroit tant,
Quand le Prelat sera reprins à tort :
Responce au duc le rendra mal content,
Qui dans Milan mettra plusieurs à mort.
VI. 31.*
Roy trouuera ce qu'il deƒiroit tant,
Quand le Prelat ƒera repris à tort.
Reƒponƒe au Duc le rendra malcontent,
Qui dans Milan mettra pluƒieurs à mort.
VI. 31.**
Roy trouuera ce qu'il de ƒiroit tant,
Quand le Prelat ƒera reprins à tort :
Reƒponce au Duc le rendra mal content,
Qui dans Milan mettra pluƒieurs à mort.
VI. 32.
Par trahisons de verges à mort battu,
Puis surmonté sera par son desordre :
Conseil friuole au grand captif sentu,
Naz par fureur quand Begich viendra mordre.
VI. 33.
Sa main derniere par Alus sanguinaire,
Ne se pourra plus la mer garentir;
Entre deux fleuues craindre main militaire,
Le noir l'ireux le fera repentir.
VI. 34.
De feu volant la machination,
Viendra troubler au grand chef assiegez :
Dedans sera telle sedition,
Qu'en desespoir seront les profligez.
VI. 35.
Pres de Rion, & proche à blanche laine,
Aries, Taurus, Cancer, Leo, la Vierge :
Mars, Iupiter, le Sol ardra grand plaine
Bloys & cités lettres cachez au cierge.
VI. 36.
Ne bien ne mal par bataille terrestre,
Ne paruiendra aux confins de Perouse,
Rebeller Pise, Florence voir mal estre,
Roy nuict blessé sur mulet à noire housse.
VI. 37.
L'œuure ancienne se paracheuera,
Du toict cherra sur le grand mal ruyne,
Innocent faict mort on accusera,
Nocent caché, taillis à la bruyne.
VI. 38.
Aux profligez de paix les ennemis,
Apres auoir l'Italie supperee :
Noir sanguinaire, rouge sera commis,
Feu, sang verser, eau de sang coloree.
VI. 39.
L'enfant du regne part paternelle prince,
Expolié sera pour deliurer :
Aupres du lac Trasimen l'azur prinse,
La trope hostage pour trop fort s'enyurer.
VI. 40.
Grand de Magonce pour grande soif estaindre
Sera priué de la grand dignité :
Ceux de Cologne si fort le viendront plaindre
Que le grand groppe au Ryn sera ietté.
VI. 41.
Le second chef du regne Dannemarc,
Par ceux de Frise & l'isle Britannique,
Fera despendre plus de cent mille marc.
Vain exploiter voyage en Italique.
VI. 42.
A logmyon sera laissé le regne,
Du grand Selin qui plus fera de faict,
Par les Itales estendra son enseigne,
Regy sera par prudent contrefait.
VI. 43.
Long temps sera sans estre habitee,
Ou Seine & Marne autour vient arrouser
De la Tamise & martiaux temptee,
Deceus les gardes en cuidant repousser,
VI. 44.
De nuict par Nantes Lyris apparoistra,
Des arts marins susciteront la pluye :
Arabiq goulfre grand classe parfondra,
Vn monstre en Saxe naistra d'ours & truye.
VI. 45.
Le gouuerneur du regne bien sçauant,
Ne consentir voulant au fait Royal :
Mellile classe par le contraire vent,
Le remettra à son plus desloyal.
VI. 46.
Vn iuste sera en exil renuoyé,
Par pestilence aux confins de Nonseggle,
Response au rouge le fera desouyer,
Roy retirant à la Rane & l'aigle,
VI. 47.
Entre deux monts les deux grands assemblees,
Delaisseront leur simulte secrette :
Bruxelles & Dolle par Langres accablees,
Pour a Malignes executer leur peste.
VI. 48.
La saincteté trop saincte & seductiue,
Accompagnée d'vne langue diserte :
La cité vieile & Palme trop hastiue,
Florence & Sienne rendront plus desertes.
VI. 49.
De la partie de Mammer grand pontife,
Subiuguera les confins du Dannube :
Chasser les croix par fer raffe ne riffe,
Captif, or, bagues, plus de cent mille rubes.
VI. 50.
Dedans le puits seront trouuez les os,
Sera l'incest commis par la marastre;
L'estat changé on querra bruit & los,
Et aura Mars ascendant pour son astre.
VI. 51.
Peuple assemblé voir nouueau expectacle
Princes & Roys par plusieurs assistans,
Pilliers faillir, murs, mais comme miracle,
Le Roy sauué & trente des instans.
VI. 52.
En lieu du grand qui sera condamné,
De prison hors son amy en sa place :
L'espoir Troyen en six mois ioint mort nay.
Le Sol à l'vrne seront prins fleuues en glace.
VI. 53.
Le grand Prelant Celtique à Roy suspect,
De nuict par cours sortira hors du regne :
Par duc fertille à son grand Roy, Bretagne
Bisance à Cypres & Tunes insuspect.
VI. 54.
Au poinct du iour au second chant du coq
Ceux de Tunes, de Fez, & de Bugie :
Par les Arabes captif le Roy Maroq,
L'an mil six cens & sept de Liturgie.
VI. 55.
Au Chalmé Duc en arrachant l'esponce,
Voille arabesque voir, subit descouuerte :
Tripolis, Chio, & ceux de Trapesonce,
Duc prins, Marnegro, & sa cité deserte.
VI. 56.
La crainte armee de l'ennemy Narbon,
Effrayera si fort les Hesperiques :
Parpignan vuide par l'aueugle darbon,
Lors Barcelon par mer donra les piques.
VI. 57.
Celuy qu'estoit bien auant dans le regne,
Ayant chef rouge proche à la hierarchie :
Aspre & cruel, & se fera tant craindre,
Succedera a sacree monarchie.
VI. 58.
Entre les deux monarques eslongnez,
Lors que Sol par Selin cler perduë :
Simulte grande entre deux indignez,
Qu'aux isles & Sienne la liberté renduë.
VI. 59.
Dame en fureur par rage d'adultere,
Viendra à son prince coniurer non de dire
Mais bref cogneu sera le vitupere,
Que seront mis dixsept à martire.
VI. 60.
Le prince hors de son terroir Celtique,
Sera trahy deceu par interprete :
Roüan, Rochelle par ceux d'Armorique,
Au port de Blaye deceus par moine & prestre.
VI. 61.
Le grand tappis plié ne monstrera,
Fors qu'a demy la pluspart de l'histoire :
Chassé du regne loing aspre apparoistra,
Qu'au fait bellique chacun le viendra croire.
VI. 61.*
Le grand tapis plié ne monƒtrera
Fors qu'à demi la plus part de l'hiƒtoire.
Chaƒƒé du regne aƒpre LOIN paroiƒtra :
Au fait bellique chacun le viendra croire.
VI. 61.**
Le grand tapis plié ne montrera,
Fors qu'à demy la pluƒpart de l'hiƒtoire :
Chaƒƒe du regne loin aƒpre apparoiƒtra,
Qu'au fait bellique chacun le viendra croire.
VI. 62.
Trop tard tous deux, les fleurs seront perduës,
Conre la loy serpent ne voudra faire :
Des ligueurs forces par gallots confonduës,
Sauone, Albinge par monech grand martire.
VI. 63.
La dame seulle au regne demeurée,
L'vnic estaint premier au lict d'honneur
Sept ans sera de douleur explorée,
Plus longue vie au regne par grand heur.
VI. 64.
On ne tiendra pache aucun arresté,
Tous receuans iront par tromperie :
De paix & trefue terre & mer protesté;
Par Barcelone classe prins d'industrie.
VI. 64.*
On ne tiendra pache aucun arreƒté,
Tous receuans iront par tromperie.
De trefue & paix terre & mer proteƒté.
Par Barcelonne claƒƒe pris d'induƒtrie.
VI. 64.**
On ne tiendra pache aucune arreƒté,
Tous receuans iront par tromperie.
De paix & trefue terre & mer proteƒté
Par Barcelonne claƒƒe prins d'induƒtrie,
VI. 65.
Gris & Bureau, demie ouuerte guerre,
De nuict seront assailliz & pillez :
Le bureau prins passera par la serre,
Son temple ouuert deux aux plastres grillez,
Au
VI. 66.
Au fondement de la nouuelle secte,
Seront les os du grand Romain trouuez,
Sepulchre en marbre apparoistra ouuerte,
Terre trembler en Auril, mal enfoüez.
VI. 67.
Au grand Empire paruiendra tout vn autre
Bonté distant plus de felicité :
Regi par vn issu non loing du peautre,
Corruer regnes grande infelicité.
VI. 68.
Lors que soldats fureur seditieuse,
Contre leur chef feront de nuict fer luire :
Ennemy d'Albe soit par main furieuse,
Lors vexer Rome & principaux seduire.
VI. 69.
La grand pitié sera sans long tarder,
Ceux qui dônoient seront contraints de prendre
Nuds affamez de froid, soif, soy bander,
Passer les monts en faisant grand esclandre.
VI. 69.*
Grande pitié ƒera ƒans long tarder !
Ceux qui donnoyent ƒeront contrains de prendre.
Nuds, affamez, de froid, ƒoif, ƒoy bander :
Paƒƒer les monts en faiƒant grand eƒclandre.
VI. 69.**
La pitié grande ƒera ƒans loing tarder,
Ceux qui donnoient ƒeront contraints de prendre
Nuds affamez de froid, ƒoif, ƒoy bander,
Les mons paƒƒer commettant grand eƒclandre.
VI. 70.
Vn chef du monde le grand Chiren sera :
Plus ovtre apres aymé, craint, redouté :
Son bruit & los les cieux sur passera,
Et du seul titre Victeur, fort contenté.
VI. 70.*
Vn Chef du monde le grand CHIREN ƒera :
PLVS OVTRE apres aimé, craint, redoubté.
Son bruit & lor les cieux ƒurpaƒƒera,
Et du ƒeul titre Vi¢teur, fort contenté.
VI. 70.**
An chef du monde le grand CHIREN ƒera,
PLUS OUTRE, apres aymé, craint, redouté,
Son bruit & los les cieux ƒurpaƒƒera,
Et du ƒeul tiltre vi¢teur fort contenté.
VI. 71.
Quand on viendra le grand Roy parenter,
Auant qu'il ait du tout l'ame rendue :
An le verra bien tost apparenter
D'Aigles, Lions, Croix, Couronne venduë.
G
VI. 71.*
Quand on viendra le grand Roy parenter,
Auant qu'il ait du tout l'ame rendue,
An le verra bien toƒt apparenter
D'Aigles, Lions, Croix. Couronne vendue.
VI. 71.**
Quand on viendra le grand Roy parenter,
Auant qu'il ait du tout l'ame renduë :
Celuy qui moins le viendra lamenter,
Par Lyons, d' Aigles, croix, couronne venduë.
VI. 72.
Par fureur faincte d'esmotion diuine,
Sera la femme du grand fort violée :
Iuges voulans damner telle doctrine,
Victime au peuple ignorant immolée.
VI. 73.
En cité grande vn moyne & artisan,
Pres de la porte logez & aux murailles :
Contre Modene secret, caue disant,
Trahis pour faire sous couleur d'espousailles.
VI. 74.
Là dechassée au regne tournera,
Ses ennemis trouuez des coniurez :
Plus que iamais son temps triomphera.
Trois & septante à mort trop asseurez.
VI. 75.
Le grand Pilot sera par Roy mandé,
Laisser la classe, pour plus haut lieu attaindre :
Sept ans apres sera contrebandé,
Barbare armée viendra Venise craindre.
VI. 75.*
Le grand Pilote ƒera par Roy mandé
Laiƒƒer la claƒƒe, à plus haut lieu atteindre.
Sept ans apres ƒera contrebandé.
Barbare armée viendra Veniƒe caindre.
VI. 75.**
Le grand pillot par Roy ƒera mandé,
Laiƒƒer la claƒƒe pour plus haut lieu atteindre :
Sept ans apres ƒera contrebandé,
Barbare armée viendra Veniƒe craindre.
VI. 76.
La cité antique d'antenorée forge,
Plus ne pouuant le tyran supporter :
Le manche fainct au temple couper gorge,
Les siens le peuple à mort viendra bouter.
VI. 77.
Par la victoire du deceu fraudulente,
Deux classes vne, la reuolte Germaine,
Le chef meurtry & son fils dans la tente,
Florence, Imole pourchassez dans Romaine.
VI. 78.
Crier victoire du grand Selin croissant,
Par les Romains sera l'Aigle clamé,
Ticcin, Milan & Gennes ny consent,
Puis par eux mesmes Basil grand reclamé.
VI. 79.
Pres du Tesin les habitans de Loyre,
Garonne & Saone, Seine, Tain, & Gironde,
Outre les monts dresseront promontoire,
Conflict donné, Pau granci, submergé onde.
VI. 80.
De Fez le regne paruiendra à ceux d'Europe,
Feu leur cité, & lame trenchera :
Le grand d'Asie terre & mer à grand troupe,
Quebleux, pers, croix à mort dechassera.
VI. 81.
Pleurs, cris & plaincts, hurlemens, effrayeurs,
Cœur inhumain, cruel, noir, & transy :
Leman, les Isles, de Gennes les maieurs,
Sang espancher, frofaim, à nul mercy.
VI. 82.
Par les deserts de lieu, libre, & farouche,
Viendra errer nepueu du grand Pontife :
Assommé à sept auecques lourde souche,
Par ceux qu'apres occuperont le cyphe.
VI. 83.
Celuy qu'aura tant d'honneur & caresses,
A son entrée en la Gaule Belgique,
Vn temps apres fera tant de rudesses,
Et sera contre à la fleur tant bellique.
G ij
VI. 83.*
Celuy qu'aura tant d'honneurs & careƒƒes
A ƒon entrée en la Gaule Belgique,
Vn temps apres fera tant de rudeƒƒes :
Et ƒera contre à la fleur tant bellique.
VI. 83.**
Celuy qu'aura tant d'honneur & careƒƒe,
A ƒon entrée en la Gaule Belgique :
Vn temps apres fera tant de rudeƒƒe,
Et ƒera contre à la fleur tant bellique.
VI. 84.
Celuy qu'en Sparte Claude ne peut regner,
Il fera tant par voye seductiue :
Que du court, long, le fera araigner,
Que contre Roy fera sa perspectiue.
VI. 85.
La grand cité de Tharse par Gaulois
Sera destruite, captifs tous à Turban :
Secours par mer, du grand Portugalois,
Premier d'esté le iour du sacre Vrban.
VI. 86.
Le grand Prelat vn iour apres son songe
Interpreté au rebours de son sens :
De la Gascongne luy suruiendra vn monge,
Qui fera eslire le grand Prelat de Sens.
VI. 87.
L'election faicte dans Francfort,
N'aura nul lieu, Milan s'opposera :
Le sien plus proche semblera si grand fort,
Qu'outre le Rhin és mareschs chassera.
VI. 88.
Vn regne grand demourra desolé,
Aupres del Hebrose feront assemblees :
Mont Pyrenées le rendront consolé,
Lors que dans May seront terres tremblées.
VI. 89.
Entre deux cymbex pieds & mains estachez,
De miel face oingt, & de laict substanté :
Guespes & mouches fitine amour fachez,
Poccilateurs faucer, Cyphe tenté.
VI. 90.
L'honnissement puant abominable,
Apres le faict sera felicité :
Grand excusé, pour n'estre fauorable.
Qu'à paix Neptune ne sera incité.
VI. 91.
Du conducteur de la guerre nauale,
Reuge effrené, seuere, horrible grippe,
Captif eschappé de l'aisné dans la baste :
Quand il naistra du grand vn fils Agrippe.
VI. 92.
Prince de beauté tant venuste,
Au chef menée, le second faict trahy :
La cité au glaiue de poudre face aduste,
Par trop grand meurtre le chef du Roy hay.
VI. 93.
Prelat auare, d'ambition trompé,
Rien ne fera que trop cuider viendra.
Ses messagers, & luy bien attrapé,
Tout au rebours voir qui le bois fendra.
VI. 93.*
Prelat auare, d'ambition trompé
Rien ne fera que trop cuider viendra.
Ses meƒƒagers & luy bien attrapé.
Tout au rebours voir qui le bois fendra.
VI. 93.**
Prelat auare d'ambition trompé,
Rien ne fera que trop cuider viendra :
Ses meƒƒagers, & luy bien attrapé,
Tout au rebours voit qui le bois fendra.
VI. 94.
Vn Roy iré sera aux sedifragues,
Quand interdicts seront harnois de guerre :
La poison taincte au succre par les fragues,
Par eaux meurtris, morts disant serre serre.
VI. 95.
Par detracteur calomnié à puis nay :
Quand istront faicts enormes & martiaux :
La moindre part dubieuse a l'aisné,
Et tost au regne seront faicts partiaux.
G iij
VI. 96.
Grand cité à soldats abandonnée,
Onc ny eut mortel tumult si proche,
O qu'elle hideuse calamité s'approche,
Fors vne offense n'y sera pardonnée.
VI. 97.
Cinq & quarante degrez ciel bruslera,
Feu approcher de la grand cité neuue,
Instant grand flamme esparse sautera,
Quand on voudra des Normans faire preuue,
VI. 98.
Ruyné aux Volsques de peur si fort terribles,
Leur grand cité taincte, faict pestilent :
Piller Sol, Lune, & violer leurs temples :
Et les deux fleuues rougir de sang coulant.
VI. 99.
L'ennemy docte se tournera confus,
Grand camp malade, & de faict par embusches,
Monts Pyrenées & Pœnus luy seront faicts refus,
Proche du fleuue descouurant antiques oruches.
VI. 100.
Fille de l'Aure, asyle du mal sain,
Où iusqu'au ciel se void l'amphitheatre,
Prodige veu, ton mal est fort prochain,
Seras captiue, & des fois plus de quatre.
VI. 100.*
Fille de l'Aure, aƒyle du mal ƒain,
Ou iuƒqu'au ciel ƒe void l'amphitheatre,
Prodige veu. ton mal eƒt fort prochain,
Seras captiue, & des fois plus de quatre.
VI. 100.**
Fille de l'Aure, aƒyle du mal ƒain,
Ou jusqu'au ciel ƒe void l'amphitteatre
Prodige veu, ton mal eƒt fort prochain
Seras captive, & deux fois plus de quatre.